Cancelas Fest - Mojo Experience no programa da Ascensión 2017

Cancelas Fest En canto ao Cancelas Fest, celebrarase o venres 26, a partir das seis da tarde no auditorio ao aire libre das Cancelas. A concelleira de Mocidade explicou que esta proposta foi presentada no proceso de orzamentos participativos por un veciño do barrio "que botaba en falta máis presenza dos grupos locais na programación cultural da cidade". O grupo que pechará o festival será Mojo Experience. O seu cantante, Diego Negro, participou na rolda de prensa de presentación da iniciativa para "agradecer estas oportunidades que se lle dan aos músicos de Compostela, que teñen poucas ocasións de tocar na súa propia cidade". Ademais de Mojo Experience, no Cancelas Fest tocarán os grupos Grima, Catro Ghatos e Inmates.